chüra:

 

Böt da la chüra

Cun la chüra perseguiteschan ils chatschaders grischuns il böt da mantegner ün spazi da viver per l'intera varietà da las spezchas. Quist'uscheditta chüra da biotops dess s-chaffir spazis chi pussibilteschan ün svilup ed üna derasaziun da fauna e flora confuorm a las spezchas.

Basa

La chüra vain fatta a basa da l'ordinaziun da chüra chantunala e dal reglamaint da chüra da l'UGCP.

Las masüras da chüra as basan sül concept da chüra dal district da chüra. Quel po adüna darcheu gnir adattà als bsögns actuals, natüralmaing tenor cunvegna cun la survaglianza da chatscha.

Masüras

Ils concepts da chüra cumpiglian in prüma lingia las masüras seguaintas:

  • sgürar, quietar, chürar, realisar e mantegner spazis da viver importants

  • chürar ils urs dal god e bos-chaglia chi'd es adattada per cuar e pascular

  • cultivar prada chi nu vegn ütilisada

  • fabrichar e mantegner pavladuoiras (i'l rom dals concepts d'urgenza)

 

In collavuraziun cun l'uffizi da chatscha e pes-cha dal Grischun promouvan las organisaziuns da chüra chi vegnan s-chaffits e mantgnüts spazis da viver per la sulvaschina in fuormand zonas da protecziun chi garantischan a quella quartiers d'inviern quiets.

© 2020 Soc. da chatschaders Sarsura, ME